Portada ›› Remo ›› Samertolameu Oversea acaricia o título gañando en Esteiro

Samertolameu Oversea acaricia o título gañando en Esteiro

Samertolameu Oversea acaricia o título gañando en Esteiro

A líder Narón dá un paso de xigante na Liga B ao vencer na Pobra

A novena xornada da Liga Galega de Traiñeiras A - Trofeo Xunta de Galicia levou ás embarcacións a Esteiro para competir na XIV Bandeira Concello de Muros.

Unha regata marcada de novo polas ausencias, esta vez a do Club de Remo Vilaxoán por motivos sanitarios.

A bandeira comezou coa embarcación local por diante na primeira referencia, con Cesantes Rodavigo segunda e Salgado Perillo e Muros, á par, por detrás.

Unha situación que cambiou no segundo longo, xa que foron os de Cesantes os que colleron a cabeza coa Esteirana segunda e Perillo e Muros pechando de

novo a par. Uns postos que non variaron ata o final da quenda, agás os últimos, xa que Salgado Perillo gañou a partida a Muros.

Na segunda manga o que comezou liderando foi Mera, por diante de Rianxo e de Puebla. Ausencia xa comentada de Vilaxoán nesta partida. Na segunda

virada Mera mantiña a cabeza, pero Puebla situábase na segunda posición remontando a Rianxo. Unhas posicións que non variaron ata o final, aínda que os

da Puebla achegáronse sen éxito a Mera. Rianxo pechaba a quenda cun tempo peor que o de Cesantes Rodavigo e mellorando por unha décima o tempo

da Esteirana.

Na quenda de honra o líder apenas deu opcións aos seus rivais, xa que dominou dende a primeira referencia. Iso si, nalgunhas viradas cun tempo moi próximo

ao que fixera Mera na segunda quenda. Por detrás, chegou Cabo que conseguiu superar a Bueu Teccarsa e a Mecos e, finalmente, mellorou o tempo de Mera,

rematando na segunda posición da xeral. Bueu Teccarsa finalizou cuarto, situándose a nove puntos de Samertolameu Oversea na clasificación xeral. E Mecos

fixo quinta, mellorando por dúas centésimas o tempo de Puebla.

Liga B

A Liga B do Trofeo Xunta de Galicia regresou á normalidade na Pobra do Caramiñal. Despois de sufrir baixas por mor da COVID nas últimas fins de semana,

as once embarcacións da categoría de prata puideron remar na I Bandeira Camiño do Barbanza A Orixe. A líder Narón, unha das embarcación que se viu

afectada pola pandemia, regresou ao mar anotándose a vitoria na décima xornada e dando un paso de xigante na loita polo título.

O triunfo do conxunto que defendía a camisola de líder chegou despois dunha emocionante quenda de honra. Narón e Mugardos pasaron igualadas polo

ecuador da proba. Nunha regata celebrada a seis longos, a líder conseguiu 2 segundos de renda no cuarto parcial e sentenciou buscando as boias de meta

para impoñerse por case dez segundos respecto á súa principal rival na xeral. Agora, a diferenza entre ambas é de dous puntos cando restan dúas xornadas

para a conclusión da Liga B.

O terceiro e o cuarto posto na Pobra corresponderon a dous equipos da quenda intermedia. Chapela venceu nesa segunda serie por diante de Samertolameu

Oversea B tras un man a man que se resolveu por 4” a prol dos da Arealonga. Na quinta posición finalizou Cedeira, que no treito final da manga de honra

remontou 4” de desvantaxe en relación a Vila de Cangas. A Balea fixo sexta.

Castropol obtivo a sétima praza. Os asturianos bateron a Puebla B na primeira quenda despois dun igualado duelo que a Río del Eo se levou por 4” e entre estas

dúas embarcacións clasificouse Amegrove, que remou na serie intermedia. Décima rematou Virxe da Guía, que participou na segunda das tres mangas,

e a táboa pechouna A Cabana – Ferrol.