IX CAMPIONATO DE PESCA DEPORTIVA “CIDADE DE NARÓN”

O desenrolo da proba tivo lugar nos coutos de “Xuvia” e “San Sadurniño”, ambos do río Grande de Xuvia, comezando as 9:00 e rematando as 20:00 horas, coa correspondente comida, cena, establecemento da clasificación e entrega de trofeos.
Cabe destacar que no presente torneo a pesca realizouse sen morte, e dicir, as pezas unha vez pescadas eran medidas e inmediatamente devoltas a auga.

PARTICIPANTES

Participaron neste torneo 24 pescadores, a meirande parte da comarca, onde se contemplaban tódalas categorías, aínda que non se presentou ninguén pertencente a categorías infantís e xuvenís. En tódolos casos intentamos fomentar, ademais da práctica desta actividade por parte dos rapaces e rapazas, a protección dos ríos e o seu entorno, un ben natural que debemos coidar para o goce de todos.

RESULTADOS E CLASIFICACIÓN

Proclamouse campión, na categoría absoluta, desta IX edición Rafael Bellas Bermúdez, o segundo posto foi para José Manuel Baldonedo Vidal e o terceiro posto foi acadado por Carlos Alberto Sánchez Martínez. O trofeo á peza maior foi acadado por Oscar Gayoso Castro.
Os tres primeiros clasificados xunto co cuarto e quinto, son quenes representarán a Sociedade de Caza e Pesca de Xuvia no campionato Provincial “Salmónidos Mosca “ do 2009.
Reseñar tamén que se clasifican para o OPEN MIGUELPESCA, que se celebrará neste mismo escenario competitivo en data 5 de Setembro, os seguintes pescadores:
JOSE M. BALDONEDO
CARLOS A. SÁNCHEZ
LUIS SOBRADO
MIGUEL PRIETO
DANIEL MERA(entra por Rafa Bellas, clasificado por Waldemar)

ENTREGA DE PREMIOS

Logo de establecer a clasificación do evento, en función do nº de capturas acadado en cada unha das mangas, procedeuse a entrega de trofeos que se realizou na Taberna “O Carreiro”.

Sinalar tamén que este próximo fin de semana terá lugar en augas do Xuvia no couto de San Sadurniño o Selectivo autonómico de pesca con mosca 2009 organizado pola Federación Galega de Pesca, e no que colabora na organización a nosa sociedade, figurando como responsable técnico Alberto Mera.